Wy rinne mei ús ljochtsje
nei alle hûzen ta.
En wolle graach wat lekkers
yn’ e bûse ha.

It mei fan alles wêze
fruit en drop en sa.
Wy geane dan wer fierder
en sjonge tra la la.

Mar dat sil dit jier al oars as oars wêze. Troch alle opleine maatregels fanwege it Coronavirus hat OBS De Twamêster besletten om de Sint Maarten optocht dit jier net troch gean te litten. In wiis beslút, hoe spitich ek. Dit sil ek betsjutte dat net alle bern dit jier mei harren lampions by de doarren del gean.

Twa jier lyn gie op 11 novimber de foarstelling Tusken Twa Tuorren yn premjêre. In foarstelling oer en mei de Wergeaster mienskip rûnom de Sint Martinustsjerke. Mear as 300 minsken ha dêr by belutsen west en ien fan de boadskippen fan it stik wie ‘diele’. Dat ha wy doe mei syn allen dien, en dat wolle we no as organisaasje wer dwaan. No’t de bern net by ús komme kinne, moatte wy op 11 novimber mar by de bern komme!

Op 11 novimber tusken 17:00 en 19:00 sil de Jan Plezier troch de beboude kom fan Wergea ride. As de bern mei harren lampion yn de doariepening ferskine dan wurdt harren, coronaproof, in pûdsje mei lekkers oarlange.

In lyts ljochtpuntsje yn dizze frjemde, tsjustere tiid.

Jeugdsoos SZDRNZLL
Merkekommisje
Team Tusken Twa Tuorren