Alle jierren wer barde it mei it oantikjen fan de hjerst. Meastentiids wie it de earste stoarmeftige dei dat it om de mar hinne begûn te spûkjen. De wyn raasde om de pleatsen. It wetter stie heech. En te midden fan de stoarm, wie dêr dat mystearyske lûd. It lûd fan de mar, dat gjinien thúsbringe koe. En alle jierren op ‘e nij wie der de moarns nei de stoarm wér in húshâlding slim rekke.
‘It lûd fan de mar’ nimt it publyk letterlik mei yn in leginde fan eartiids. Of hat de leginde ús noch altyd yn de besnijing?
Wannear?
De premjêre fan it iepenloftspul ‘It lûd fan de mar’ is op 14 septimber. De oare foarstellingsdata binne op 15, 17, 18, 20, 21, 24, 25, 27 en 28 septimber. Alle foarstellingen begjinne om 20.00 oere yn De Bidler en dêr is ek de ein fan de foarstelling.
Ynformaasje
‘It lûd fan de mar' is lokaasjeteater yn de iepen loft. Kinne jo min rinne? Freegje dan nei de mooglikheden by de foarferkeap, of stjoer in berjocht nei ynfo@itludfandemar.nl. Mear witte oer ‘It lûd fan de mar’? Besjoch de webside www.itludfandemar.nl
Foarferkeap
Op 17 juny, fan 19.00 – 20.00 oere yn De Bidler. In tagongskaart, ynklusyf kofje/tee en in konsumpsje nei ôfrin, kostet 18 euro. Nei 17 juny komme de kaarten yn de online ferkeap op www.itludfandemar.nl.
PR Kommisje It lûd fan de mar
